तत्कालीन माओवादी केन्द्रको तर्फबाट बन्ने मन्त्रीको नाम टुंगो

काठमाडौँ । नेपाल कम्युनिस्ट पार्टी (नेकपा) नेतृत्व सरकारमा तत्कालीन (माओवादी केन्द्र) को तर्फबाट बन्ने मन्त्रीको नाम टुंगो लागेको छ । 

तत्कालीन माओवादीका तर्फबाट मन्त्री बनेका मातृका यादव र चन्द्रपाणि खनाल ‘बलदेव’ हट्ने निश्चित भएको छ भने उनीहरुको ठाउँमा लेखराज भट्ट र रामेश्वर राय यादव मन्त्री बन्ने निश्चित भएको छ । 

प्रचण्डको निजी सचिवालयले प्रचण्डले आफ्नो तर्फबाट दिनुपर्ने नाम प्रधानमन्त्री केपी शर्मा ओलीलाई बुझाइसकेको जनाएको छ ।  
यसबारे ओली थप अध्ययन गरेर निर्णय लिने बताइएको छ ।  
प्रचण्डका प्रेस सल्लाहकार विष्णु सापकोटाले कसलाई राख्ने र कसलाई हटाउने भन्ने अधिकार प्रधानमन्त्री ओलीको भएको बताए । यता तत्कालिन एमालेको तर्फबाट भने टुंगो लागिसकेको छैन ।