उच्च अदालतका ८ न्यायाधीशको सरुवा गर्ने निर्णय

काठमाडौं । न्याय परिषद्ले उच्च अदालतका ८ न्यायाधीशको सरुवा गर्ने निर्णय गरेको छ । परिषद्को बुधबार बसेको बैठकले उच्च अदालत विराटनगर, इलाम इजालासका न्यायाधीश प्रकाशचन्द्र गजुरेलको उच्च अदालत जनकपुर, राजविराज इजलासमा सरुवा गरेको छ । 

यस्तै उच्च अदालत तुलसीपुरका न्यायाधीश शिवनारायण यादवको उच्च अदालत विराटनगर, इलाम इजलासमा सरुवा भएको छ । यस्तै न्यायाधीशहरु विनोद शर्मा, कृष्ण गिरी, रमेश कुमार खत्री, रवि शर्मा, जनक पाण्डे र राजेश काफ्लेको पनि सरुवा भएको परिषद्ले जनाएको छ । 

यस्तै उच्च अदालतको न्यायाधीश पदको नियुक्तिका ६ जना जिल्ला न्यायाधीशको नाम सिफारिस भएको छ भने न्याय सेवा अधिकृतहरु मध्येबाट १ जना र अधिवक्ता मध्येबाट ५ जनाको नाम सिफारिस भएको छ ।