स्वचालित पेस्तोल र पाँच राउण्ड गोली सहित दुई पक्राउ

चितवन ।  चितवनको भण्डाराबाट  स्वचालित पेस्तोल र पाँच राउण्ड गोली सहित दुई जना पक्राउ परेका छन् ।  पक्राउ पर्नेमा दाङ तुलसीपुर नगरपालिका–१२ धनोवरीका ३७ वर्षीय मधुकर केसी र सल्यान रिम गाउँपालिका–५ का ३३ वर्षीय नारायण बुढाथोकी रहेका छन् । 
ईलाका प्रहरी कार्यालय भण्डाराको टोलीले उनीहरुलाई राप्ती नगरपालिका–६ हर्दीबाट आज बिहान  पक्राउ गरेको हो ।  बा८५प ८०८४ नम्बरको मोटरसाइकलमा आएका उनीहरु शङ्कास्पदरूपमा हिँडिरहेको अवस्थामा गस्तीमा रहेको प्रहरी टोलीले जाँच गर्दा मेड इन युएसए लेखिएको पेस्तोल र त्यसमा लाग्ने गोलीसमेत बरामद भएको जिल्ला प्रहरी कार्यालय चितवन जनाएको छ ।