दाङमा दलहरुको मनोनयन दर्ता

दाङ । दाङ क्षेत्र नम्बर ३ ‘ख’ मा हुन लागेको प्रदेससभा सदस्यको उपनिर्वाचनका लागि दलहरुले मनोनयन दर्ता गराएका छन् ।

नेकपा उम्मेदवार विमला वली र नेपाली कांग्रेसका केशव शर्मा आचार्यले मनोनयनपत्र दर्ता गराएका छन् । वलीको मनोनयन दर्ता कार्यक्रममा नेकपा प्रदेश इन्चार्ज शंकर पोखरेल, प्रदेश अध्यक्ष ओनसरी घर्ति, राष्ट्रियसभा सदस्य कोमल वलीलगायत नेताहरु नेता तथा कार्यकर्ता सहभागी थिए ।

जुलुस सहित निर्वाचन अधिकृतको कार्यालय पुगी मनोनयन दर्ता गराइएको हो । ओलीको प्रस्तावकमा सोभाराम बस्नेत र समर्थकमा एम।एन। शाह रहेका छन् । यस्तै नेपाली काँग्रेस उम्मेदवार आचार्यको प्रस्तावकमा कांग्रेस जिल्ला सचिव शंकर डाँगी र समर्थकमा क्षेत्रीय सभापति जगत बहादुर खड्का रहेका छन् ।

घोराहीस्थित कांग्रेसको पार्टी कार्यालयबाट पार्टीका नेता कार्यकर्ताहरुको र्याली सहिद गेट हुँदै निर्वाचन अधिकृतको कार्यालयमा पुगेर मनोनयन दर्ता गराइएको थियो । दाङ क्षेत्रनम्बर ३ ‘ख’बाट प्रदेशसभामा निर्वाचित नेकपाका उत्तर कुमार ओलीको निधन भएपछि सो क्षेत्रमा १४ मंसिरमा उपनिर्वाचन हुन लागेको हो । अन्य साना दलहरुले पनि उम्मेदवारी दर्ता गराएका छन् ।