कास्की । कास्की निर्वाचन क्षेत्र नम्बर २ का लागि हुने प्रतिनिधि सभा सदस्य निर्वाचनका लागि १६ जना उम्मेदवारले उम्मेदवारी मनोनयन पत्र दर्ता गरेका छन् । जसमा २ जना स्वतन्त्रतर्फका उम्मेदवार पनि छन् ।
यो निवार्नचन क्षेत्रमा सत्तारुढ दल नेपाल कम्युनिस्ट पाटी (नेकपा) का तर्फबाट विद्या भट्टराईका साथै प्रमुख प्रतिपक्ष काँग्रेसका तर्फबाट खेमराज पौडेलले उम्मेदवारी मनोनयनपत्र दर्ता गरेका छन् ।
देशभक्तभ समाजका वीरबहादुर विश्वकर्मा, नेपाली काँग्रेस वीपी पार्टीका चन्द्र बहादुर रानाभाट, साझा पार्टीका रजनी केसीले पनि उम्मेदवार मनोनयनपत्र दर्ता गरेका छन् । कास्कीमा स्वतन्त्र उम्मेदवार यज्ञप्रसाद पंगेनी र कमलजंग कुवँरले पनि उम्मेदवारी दर्ता गरेको मुख्य निर्वाचन अधिकृत काजीबहादुर राईले जानकारी दिए । प्रमुख निर्वाचन अधिकृतको कार्यालयका सुचना अधिकारी रुद्र न्यौपानेका अनुसार बिहीबार १ बजेभित्र १६ जनाको उम्मेदवारी दर्ता भएपनि अरु केही सो समयमा कार्यलयभित्र पसेकाले थपिन सक्ने जानकारी दिए ।
यसैबीच उम्मेदवारी मनोनयन दर्ता लगत्तै दलहरुले चुनावी सभा थालेका छन् । नेकपाले उम्मेदवारी मनोनयनसँगै पोखराको रत्न चोकमा चुनावी सभा गरेको छ । त्यस्तै काँग्रेसको पोखरा एयरपोर्ट नजिक मुस्ताङचोकमा चुनावी सभा गरको छ ।
प्रतिक्रिया दिनुहोस
सफल खबर संवाददाता
विहीबार, २१ कार्तिक २०७६, १४ : २२
लेखकबाट थप
सम्बन्धित समाचारहरु
उपनिर्वाचनमा सेना प्रयोग गर्न राष्ट्रपतिको स्वीकृति
उपनिर्वाचनमा आजदेखि प्रचारप्रसार गर्न नपाइने
उपनिर्वाचनमा करिब १७ सय कर्मचारी खटाइने
निर्वाचन आचारसंहिता पालन नगरे कारबाही हुने
बझाङमा उम्मेदवारलाई चुनाव चिह्न प्रदान
उपनिर्वाचनका लागि आजदेखि आचारसंहिता लागू