Safal Khabar - ठोरी समन्वय समाजको स्वास्थ्य शिविरमा ३२२ जनाले गरे निशुल्क उपचार
शनिबार, २८ मङि्सर २०७६ (Saturday, 14 December, 2019)
ठोरी समन्वय समाजको स्वास्थ्य शिविरमा ३२२ जनाले गरे निशुल्क उपचार
आइतबार, ०१ असार २०७६, ११ : १३
ठोरी समन्वय समाजको स्वास्थ्य शिविरमा ३२२ जनाले गरे निशुल्क उपचार

ठोरी । ठोरी समन्वय समाज चितवन नेपालको आयोजनामा निशुल्क स्वास्थ्य शिविर सम्पन्न भएको छ । ठोरी गाँउपालिका वडा नम्बर २ स्थित श्री सरस्वती माध्यमिक बिद्यालयको प्राङगणमा सम्पन्न शिविरमा ३२२ जनाले स्वास्थ्य परिक्षण गराएको समाजका अध्यक्ष चक्र बहादुर कुँवरले जानकारी दिए । ३२२ मध्य ६५ जना पुरुष र २५७ जना महिलाले स्वास्थ्य परिक्षण गराएको कुँवरले बताए ।

गाँउमै पहिलो पटक भिडियो एक्स्रे सहितको शिविर आयोजना गरिएकोले स्वास्थ्य परिक्षण गराउनेहरुको भिड लागेको उनले बताए । शिविरमा स्त्री रोग बिशेषज्ञ डा. प्रविण योगीको नेतृत्वमा गएको टोलीले स्वास्थ्य परिक्षण गरेका थिए । शिविरमा डा. योगी सँगै फिजिसियन डा. प्रयास लामिछाने, रेडियोलोजिस्ट अमित चौधरी लगायतले स्वास्थ्य परिक्षण गरेको कुँवरले जानकारी दिए । शिविरमा बिशेषगरी महिलाहरुले पाठेघर र स्तनको जाँच गराएका थिए ।

शिविरमा १५० जनाले पाठेघर सम्बन्धी जाँच गराएका थिए भने १४० जनाले युएसजी अर्थात भिडियो एक्स्रे गराएका थिए । यस्तै २२५ जनाले ओपोडी सेवा लिएको कुँवरले बताए । शिविरमा स्वास्थ्य परिक्षण गराएका गराएका मध्य १ जनामा क्यान्सर देखिएको उनले बताए ।यस्तै ७ जनामा क्यान्सरको संकेत देखिएको छ भने ५ जनाको पित्त थैलीमा पत्थरी भेटिएको छ । यस्तै ८ जनाको मृगौलामा पत्थरी तथा १ जनाको पित्त थैलीमा मासु पलाएको भेटिएको छ ।

Yeti Diistillery
nic asia

कार्यक्रमका बोल्दै प्रमुख अतिथी ठोरी गाँउपालिकाका प्रवक्त्ता एंव वडा नम्बर १ का अध्यक्ष रामप्रकाश कुँवरले स्थानिय सरकारले गर्न पर्ने काम यो समाजले गरेको भन्दै प्रशंसा गरे । उनले समाज स्थापना भएको केही महिनामा नै यसले उदाहरणिय काम गरेको बताए । यस्तै उनले आवश्यक परेको खण्डमा आगामी दिनमा गाँउपालिका समाज सँग सहकार्य गरेर अघी बढ्न तयार रहेको बताए ।

ठोरी गाँउपालिकाका वडा नम्बर २ का अध्यक्ष किशोर तामाङले बामे सर्दै गरेको समाजले ठोरीमा यती ठुलो स्वास्थ्य शिविर आयोजना गरेर उदाहरण प्रस्तुत गरेको बताए । उनले भर्खर भर्खर मात्र स्थापना भएको समाजले ठोरीबासीको स्वास्थ्यलाई मध्यानजर गर्दै यती निशुल्क स्वास्थ्य शिविर गरेकोमा धन्यवादले ब्यक्त गरे । यस्तै उनले आगामी दिनमा वडा नम्बर २ र समग्र गाँउपालिका नै समाजलाई जस्तो सुकै सहयोग गर्न तयार रहने प्रतिबद्दता गरे ।

समाजका सल्लाहकार समिती सदस्य एंव श्री सरस्वती मा बिका प्रधानध्यापक केशव रेग्मीले यो किसिमको शिविर निकै आवश्यक रहेको बताए । समाजले स्थापनाको छोटो समयमा नै उदाहरणिय काम गरेको रेग्मीले बताए ।

समाजका सल्लाहकार समिती सदस्य उद्धव सापकोटाले स्वागत मन्तब्य राखेको कार्यक्रमका समाजका अध्यक्ष चक्र बहादुर कुँवरको सभापतित्वमा सम्पन्न भएको हो । कार्यक्रम समाजका संचार समिती सदस्य सुशिल पन्तले सन्चालन गरेका थिए ।
 

प्रतिक्रिया दिनुहोस