Safal Khabar - बन्यो ४५ किलोमिटर परको दृश्य पनि स्पष्ट खिच्ने क्यामरा
बुधबार, ०४ असार २०७६ (Wednesday, 19 June, 2019)
बन्यो ४५ किलोमिटर परको दृश्य पनि स्पष्ट खिच्ने क्यामरा
आइतबार, २९ बैशाख २०७६, १३ : ४०
बन्यो ४५ किलोमिटर परको दृश्य पनि स्पष्ट खिच्ने क्यामरा

एजेन्सी । चिनियाँ अनुसन्धानकर्ताहरूले विशेष आर्टिफिसियल इन्टेलिजेन्स प्रविधियुक्त क्यामरा बनाएका छन् । यसले मानिसको आकारको वस्तुको फोटो पनि ४५ किलोमिटर टाढाबाट खिच्न सक्छ ।

अनुसन्धानकर्ता जेन–पिंग लीको यस पनि अध्ययन निष्कर्ष ओपन सोर्स जर्नल एआरएक्सआईभीमा प्रकाशित भएको छ । यो विशेष क्यामरालाई धूवाँधूलो र प्रदूषणले समेत तस्वीर खिच्नबाट रोक्न सक्दैन । लेजर र स्मार्ट एआई सफ्टवेयरको सहायताले सुन्दर फोटो क्लिक गर्न सकिन्छ ।

नयाँ प्रविधि आउनुअघि पुराना क्यामराहरूले लाइट डिटेक्सन यान्ड रेन्जिङ (लाइडर) प्रविधि प्रयोग गरिन्थ्यो । तर नयाँ प्रविधिले प्रदूषण र धूवाँका कारण नराम्रो फोटो आउने स्थितिलाई पनि हटाउँछ । यसमा भएको गेटिङ प्रविधिको सहायताले सफ्टवेयर अन्य माध्यमबाट रिफ्लेक्ट हुने फोटोनहरूलाई क्यामराको क्षेत्रबाट हटाउँछ र तिनीहरू फोटोमा देखिँदैनन् । 

फोटो खिचिने वस्तुको दूरी र आकार बुझ्नका लागि क्यामराको लेजर उपयोगी हुन्छ । क्यामरामा निश्चित दूरी सेट गर्न सकिन्छ ।

सबभन्दा राम्रो कुरा भनेको यो प्रविधियुक्त क्यामरा जुत्ताको बट्टा जत्रो आकारको छ । यसलाई सानो विकान वा मानवरहित वाहनमा सजिलै जडान गर्न सकिन्छ ।

प्रतिक्रिया दिनुहोस