साँखु । महानगरीय प्रहरी प्रभाग कपनले चोरीको स्कुटरसहित एक जनालाई पक्राउ गरको छ । बिहीबार काठमाडौँ महानगरपालिका–६ रामहिटी मुकुम गुम्बा नजिक पार्किङमा राखेकाे बा २९ प ६०७९ नम्बरको डियो स्कुटर चोरी गरेको भन्दै प्रहरीमा उजुरी परेको थियो ।
उजुरीपछि प्रभागका प्रहरी निरीक्षक मीनबहादुर कुँवरसहितको प्रहरी टोलीले बिहीबार साँझ बुढानीलकण्ठ नगरपालिका–१० कपन मिलनचोकबाट स्कुटरसहित ओखलढुङ्गा घर भएका १६ वर्षीय विकास रानामगरलाई पक्राउ गरेकाे हाे । उनलाई थप अनुसन्धान तथा कारवाहीका लागि प्रहरी वृत्त बौद्ध पठाइएको प्रहरी निरीक्षक कुँवरले जानकारी दिए । - रासस
_20231127105311.gif)
प्रतिक्रिया दिनुहोस