सुदन किराँती श्रम संस्कृति पार्टीमा प्रवेश

काठमाडौँ । पूर्वमन्त्री सुदन किराँती श्रम संस्कृति पार्टीमा औपचारिक रूपमा प्रवेश गरेका छन् । राजधानी काठमाडौँमा आयोजित कार्यक्रममा पार्टी अध्यक्ष हर्क साम्पाङले उनलाई पार्टी सदस्यता प्रदान गर्दै स्वागत गरेका हुन् ।

सम्झौता अनुसार किराँतीलाई पार्टीको वरिष्ठ नेतृत्व तहमा राखिनेछ भने उनी दोस्रो वरीयतासहित उपाध्यक्षको जिम्मेवारीमा रहने व्यवस्था गरिएको छ ।

पार्टीभित्रको सहमति अनुसार किराँती पक्षलाई एक वरिष्ठ नेतासहित एक उपाध्यक्ष, एक सचिव तथा १५ जना केन्द्रीय सदस्यको प्रतिनिधित्व उपलब्ध गराइने भएको छ । सो समूहमा सामेल हुने अधिकांश सदस्यहरू प्रगतिशील लोकतान्त्रिक पार्टी ९प्रलोपा० बाट आएको बताइएको छ ।

राजनीतिक पृष्ठभूमिअनुसार, जेन जेड आन्दोलनपछि बनेको राजनीतिक समिकरणमा आएको परिवर्तनसँगै प्रचण्ड नेतृत्वको समायोजन प्रक्रियामा असहमति जनाउँदै सुदन किराँती जनार्दन शर्मासहित प्रलोपा तर्फ सक्रिय भएका थिए