१६ युरोपेली देशसँग श्रम सम्झौता अघि बढाउने सरकारको तयारी

काठमाडौँ । सरकारले युरोपेली मुलुकहरूसँग श्रम सम्झौता विस्तार गर्ने प्रक्रिया अघि बढाएको छ ।

श्रम, रोजगार तथा सामाजिक सुरक्षा मन्त्रालयले १६ वटा युरोपेली देशसँग द्विपक्षीय श्रम सम्झौता गर्न परराष्ट्र मन्त्रालयमार्फत औपचारिक पहल गर्ने तयारी गरेको हो ।

सिंहदरबारमा बिहीबार बसेको प्रतिनिधि सभा अन्तर्गतको उद्योग तथा वाणिज्य र श्रम तथा उपभोक्ता हित समितिको बैठकमा मन्त्री रामजी यादवले मन्त्रालयगत पहलबाट अपेक्षित प्रतिक्रिया ढिलो आउने भएकाले अब परराष्ट्र मन्त्रालयको समन्वयमार्फत प्रक्रिया अघि बढाइने जानकारी दिए ।