काठमाडौँ । राष्ट्रिय स्वतन्त्र पार्टी (रास्वपा) की सांसद तथा सचेतक क्रान्तिशिखा धितालले पत्रकारिता क्षेत्रले अझ बढी बौद्धिकरूपमा आलोचना गर्नुपर्ने गहिरा प्रश्नहरू उठाउनुपर्ने बताएकी छन् ।
पछिल्लो समय मुख्यधारका मिडिया र युट्युब च्यानलहरूबीच देखिएको दूरी प्रश्नको स्तरले नै निर्धारण गर्ने उनले बताईन् ।
पत्रकारिता पृष्ठभूमिबाटै राजनीतिमा आएकी धितालले फेसबुकमार्फत भनेकी छन्, ‘मुख्यधार मिडिया र सूचना प्रवाह गरिरहेका अन्य युट्युब च्यानलहरूबीच देखिएको दूरी पनि प्रश्नको स्तरले नै घटाउन र बढाउन सक्छ । प्रश्न गर्ने स्तर उकास्नुहोस् ।’
मिडियाले महिलालाई विषयवस्तुबाट हटाएर वस्तुकरण गर्ने गरेको उनको आरोप छ ।
विशेषगरी युवा महिला नेताहरूसँग अन्तर्वार्ता लिँदा ‘राम्री हुनुहुन्छ, चिटिक्क परेर आउनुभएको छ’ जस्ता टिप्पणीबाट संवाद सुरू गर्ने गलत प्रवृत्तिप्रति भएको बताएकी छन् ।
यो व्यक्तिगत प्रशंसा भन्दा महिलालाई मुद्दाबाट विषयान्तर गर्ने संरचनागत समस्या रहेको उनको टिप्पणी छ ।
_20260408183929.jpg)
प्रतिक्रिया दिनुहोस
सफल खबर संवाददाता
आइतबार, ०६ बैशाख २०८३, १२ : २२
लेखकबाट थप