परराष्ट्रमन्त्री खनाल र भारतीय विदेशमन्त्री जयशंकरबीच मोरिससमा भेटवार्ता

काठमाडौं । परराष्ट्रमन्त्री शिशिर खनाल र भारतीय समकक्षी एस जयशंकरबीच भेटवार्ता भएको छ । मोरिससको पोर्ट लुइसमा सो भेटवार्ता भएको हो ।

भारतीय विदेशमन्त्री जयशंकरले सामाजिक सञ्जालमा तस्विर पोस्ट गर्दै खनाललाई नेपालको परराष्ट्रमन्त्री नियुक्तभएकोमा बधाइ दिएको बताएका छन् ।

आफूहरुबीच विभिन्न क्षेत्रमा गहिरो सहकार्यमार्फत साझेदारीको पूर्ण सम्भावनालाई साकार पार्ने विषयमा छलफल गरिएको उनको भनाइ छ ।

परराष्ट्रमन्त्री खनाल नवौं पश्चिमी हिन्द महासागर सम्मेलनमा सहभागी हुन मोरिससको राजधानी पोर्ट लुइस पुगेका हुन् । त्यसक्रममा भारतीय विदेशमन्त्रीसँग साइडलाइन भेट भएको हो ।