विद्यार्थी संगठन खारेज गर्ने निर्णय फिर्ता लिन एमालेको आग्रह

काठमाडौँ । नेकपा एमालेले सरकारले आफ्नो कार्यसूचीमा विद्यालय र विश्वविद्यालयका विद्यार्थी संगठन खारेज गर्ने निर्णय लिएकोप्रति असन्तुष्टि जनाउँदै सो निर्णय फिर्ता लिन आग्रह गरेको छ।

पार्टी केन्द्रीय कार्यालय च्यासलमा शुक्रबार सम्पन्न केन्द्रीय सचिवालय बैठकले सरकारलाई उक्त निर्णय पुनरावलोकन गर्न ध्यानाकर्षण गराउने निर्णय गरेको उपमहासचिव लेखराज भट्टले जानकारी दिए।

भट्टका अनुसार, एमालेले वर्तमान सरकारले विद्यार्थी संगठनहरू खारेज गर्ने र प्रतिबन्ध लगाउने निर्णयको विरोध कडा शब्दमा व्यक्त गरेको छ। बैठकले यस विषयमा सरकारसँग स्पष्ट संवादमार्फत आफ्नो दृष्टिकोण राख्ने निष्कर्ष निकालेको छ।

सरकारको सय बुँदे कार्यसूचीमा समावेश यस निर्णयले विद्यार्थी संगठनको अस्तित्व र सञ्चालनमा प्रभाव पर्ने भएकाले एमालेले त्यसलाई तत्काल फिर्ता लिन माग गरेको हो।