आर्थिक वर्ष २०८३-८४ को बजेट तयारीका लागि राजस्व परामर्श समिति गठन

काठमाडौँ । आगामी आर्थिक वर्ष २०८३-८४ को वार्षिक बजेट निर्माण प्रक्रियालाई सहयोग पुर्‍याउने उद्देश्यले राजस्व परामर्श समिति गठन गरिएको छ। रामेश्वर खनालले उक्त समिति गठन गरेका हुन्।

समितिको नेतृत्व अर्थ मन्त्रालयका राजस्व सचिवले गर्ने व्यवस्था गरिएको छ। सदस्यका रूपमा त्रिभुवन विश्वविद्यालय अन्तर्गत अर्थशास्त्र केन्द्रीय विभागका विभागीय प्रमुख वा वरिष्ठ प्राध्यापक, उद्योग, वाणिज्य तथा आपूर्ति मन्त्रालयका सहसचिव, नेपाल राष्ट्र बैंक का कार्यकारी निर्देशक तथा अर्थ मन्त्रालयबाट मनोनीत दुई जना अर्थ र कर विज्ञलाई समावेश गरिएको छ।

निजी क्षेत्रको प्रतिनिधित्व सुनिश्चित गर्न नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, नेपाल उद्योग व्यापार महासंघ, नेपाल घरेलु तथा साना उद्योग महासंघ र नेपाल आर्थिक संघ का अध्यक्ष वा उनीहरूले तोकेका वरिष्ठ पदाधिकारीलाई सदस्यको रूपमा राखिएको छ।