डा. बाबुराम भट्टराईलाई पितृशोक

काठमाडौं । पूर्व प्रधानमन्त्री डा. बाबुराम भट्टराईका पिता भोजप्रसाद भट्टराईको निधन भएको छ ।

बाबुरामको पारिवारिक स्रोतका अनुसार ९७ वर्षको उमेरमा बाबुरामका बुवा भोजप्रसाद भट्टराईको उपचारकोक्रममा बिहीबार बिहान निधन भएको हो ।

भट्टराईको न्युरो अस्पताल बाँसबारीमा उपचारकोक्रममा निधन भएको हो ।

बाबुरामको निजी सचिवालयले भनेको छ– पूर्व प्रधानमन्त्री डा. बाबुराम भट्टराईका पूजनीय पिता भोजप्रसाद भट्टराईज्यूको ९७ वर्षको आयुवमा स्वर्गारोहण हुनुभएको छ । उहाँप्रति हार्दिक श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गर्दछु ।’