राष्ट्रिय सभाको बैठक जारी

काठमाडौँ । संघीय संसद्अन्तर्गतको राष्ट्रिय सभाको बैठक सिंहदरवारमा सञ्चालनमा रहेको छ। बैठकका क्रममा सभाका सदस्यहरूले समसामयिक विषयमा आफ्ना धारणा व्यक्त गरिरहेका छन्।

आजको कार्यसूचीअनुसार विधायन व्यवस्थापन समितिका सभापति तुलसाकुमारी दाहालले चलचित्र विधेयक, २०८१ सम्बन्धी समितिको प्रतिवेदन सभामा प्रस्तुत गर्ने कार्यक्रम रहेको छ।

त्यसैगरी संघीयता सबलीकरण तथा राष्ट्रिय सरोकार समितिका सभापति सोनाम गेल्जेन शेर्पाले आर्थिक वर्ष २०८१/८२ का लागि तयार पारिएको संघीयता सबलीकरण तथा राष्ट्रिय सरोकार समितिको वार्षिक प्रतिवेदन सभा समक्ष पेस गर्ने कार्यसूची तय गरिएको संसद् सचिवालयले जनाएको छ।