राष्ट्रिय सभा चुनाव आज, कांग्रेसले गठबन्धनमा के गर्ला ?

काठमाडौं । राष्ट्रिय सभामा रिक्त हुन लागेको १८ पदका लागि आज निर्वाचन हुँदैछ । आगामी फागुन २० देखि रिक्त हुन लागेको १९ पदमध्ये १८ पदमा आज चुनाव हुन लागेको हो । 

चुनावमा कांग्रेस, एमाले र जसपा नेपालका बीचमा चुनावी गठबन्धन भएको छ । यधपी, यो गठबन्धन निर्माणका बेला कांग्रेसका सभापति शेरवहादुर देउवा रहेको र त्यसमा महामन्त्रीका रुपमा अहिलेका कांग्रेस सभापति गगन थापाले फरक मत राखेका कारण गठबन्धनमा कांग्रेस टिक्ला ? प्रश्न छ ।

मतदान आज बिहान ९ः०० देखि दिउँसो ३ बजेसम्म हुने  निर्वाच्न आयोगले जनाएको छ । नेपाली कम्युनिष्ट पार्टीले भने एकल उम्मेदवारी दर्ता गराएको छ । राष्ट्रिय सभा चुनावका लागि स्थानिय तहका प्रमुख, उपप्रमुख, अध्यक्ष , उपाध्यक्ष तथा प्रदेश सभाका सांसदहरु मतदाताका रुपमा रहनेछन् । 

रिक्त एक पदमा भने सरकारको सिफारिसमा राष्ट्रपतिले मनोनयन गर्ने छन् । राष्ट्रिय सभामा रिक्त हुने पदमा एक महिना अगाडी नै निर्वाचन गर्नुपर्ने प्रावधान छ । सोही आधारमा आज निर्वाचन हुन लागेको हो । 

कुल १८ पदमध्ये कोशी प्रदेशमा खस आर्यतर्फको एउटा पदमा निर्विरोध भएको र बाँकी १७ पदका लागि आज निर्वाचन हुन लागेको आयोगका प्रवक्ता नारायणप्रसाद भट्टराईले जानकारी दिएका छन् । 

कोशी प्रदेशका खस आर्यतर्फ कांग्रेसका सुनिलबहादुर थापा निर्विरोध निर्वाचित भईसकेका छन् । बाँकी १७ पदको मतदानका लागि सातै प्रदेशका मतदानस्थल तथा मतदान केन्द्र निर्धारण गरिएको छ ।

मुलतः यो निर्वाचनमा कांग्रेसका स्थानिय तह र प्रदेशका जनप्रतिनिधिलाई पहलिे जसरी पार्टी ह्विप जारी गरिएको छैन । जसकाकारण पनि गठबन्धनमा कांग्रेस इमान्दार बन्ला नबन्ला प्रश्न छ । कांग्रेसमा गगन पार्टीको पोजिसन जस्तो आएपनि कांग्रेस एक्लै चुनाव लड्नुपर्ने मत राख्दै आएका नेता हुन् । तर तत्कालिन सभापति देउवाले भने गठबन्धन बनाएर जाने गरी एमाले अध्यक्ष ओलीसँग सहमति गरेका थिए । 

कांग्रेसबाट उम्मेदवार बनेका हकमा कुनै समस्या नआएपनि अन्य एमालेले उम्मेदवार बनाएकामा भने कांग्रेसले गठबन्धनबाट उम्मेदवार बनेकालाई नै मत दिन्छन् या स्वतन्त्र स्वविवेक प्रयोग गर्छन् ? भन्ने चासोका साथ हेरिएको छ । 

यधपी कांग्रेस सभापति देउवाले अविच्छिन उत्तराधिकारी पार्टी भएकोले पार्टीको तहमा भएका सहमति अहिले कार्यान्वयन हुने कांग्रेस महामन्त्री गुरुराज घिमिरेले जनाएका छन् ।