राष्ट्रिय सभामा यी हुन् एमालेका उम्मेदवार

काठमाडौं । कांग्रेस, नेकपा लगायत चार दलका बीचमा गठबन्धन गरेर आगामी राष्ट्रिय सभा चुनाव लड्न लागेको नेकपा एमालेले पार्टीका तर्फबाट उम्मेदवार टुंग्गो लगाएको छ ।

चार दलका बीचमा भागवन्डा गरेर सकभर निर्विरोध चुनाव लड्न चाहेका कांग्रेस, एमाले, नेकपा र जनता समाजवादी पार्टी (जसपा)का बीचमा सिट भागवन्डा भएको छ । जसमध्ये एमालेको भागमा ७ सिट परेको र त्यही आधारमा एमालेले उम्मेदवार टुंग्गो लगाईसकेको बताएको छ । 

राष्ट्रिय सभा चुनाव आगामी माघ ११ गते हुँदैछ । जसका लागि आज दलहरुले उम्मेदवार मनोनयन दर्ता गर्ने कार्यतालिका छ । एमाले सचिव महेश बस्नेतले एमालेले रामकुमारी झाँक्रीसहितका नेताहरुलाई राखेर राष्ट्रिय सभामा उम्मेदवार तय गरेको बताए । 

एमाले सचिव महेश बस्नेतका अनुसार, रामकुमारी झाँक्री, रोशनी मेचे,  प्रेम दंगाल, सम्झना देवकोटा, मीना रखाल र लीला भण्डारीलाई राष्ट्रिय सभा सदस्यका लागि उम्मेदवार टुंग्गो लगाईएको छ । 

अब मधेस प्रदेशबाट मात्र उम्मेदवार चयन गर्न बाँकी रहेको पनि बस्नेतले बताए ।