एनपीएल : पहिलो क्वालिफायरमा सुदूरपश्चिम रोयल्स र विराटनगर किङ्ग्सबीच भिडन्त

काठमाडौं । नेपाल प्रिमियर लिग (एनपीएल)को दोस्रो सिजनमा लिग चरणका खेलहरु सकिएका छन् ।

मङ्गलबार पहिलो क्वालिफायरमा अङ्क तालिकाको शीर्ष स्थानमा रहेका सुदूरपश्चिम रोयल्स र विराटनगर किङ्ग्सबीच प्रतिस्पर्धा गर्दैछन् ।

यो खेल त्रिवि अन्तर्राष्ट्रिय क्रिकेट मैदानमा मङ्गलबार दिउँसो ४ बजेदेखि शुरु हुँदैछ । सुदूरपश्चिम दीपेन्द्रसिंह ऐरीको कप्तानीमा मैदानमा हुनेछ भने विराटनगर सन्दीप लामिछानेको कप्तानीमा रहेको छ ।

मङ्गलबारको विजेता टोली सोझै फाइनल प्रवेश गर्नेछ । त्यस्तै, क्वालिफायरमा पराजित हुने टोलीले इलिमिनेटर खेलको विजेतासँग प्रतिस्पर्धा गर्नेछ । इलिमिनेटरमा काठमाण्डु र लुम्बिनी भिड्दैछन् ।

क्वालिफायर खेलमा दुवै टोलीका प्रमुख खेलाडीहरूको व्यक्तिगत प्रदर्शन सबैभन्दा महत्त्वपूर्ण बन्ने देखिएको छ । लिग चरणभर उत्कृष्ट लय देखाएको सुदूरपश्चिम रोयल्स र विराटनगर किङ्ग्सका स्टार खेलाडीहरूले क्वालिफायर जस्तो दबाबयुक्त खेलमा टोलीलाई जिततर्फ डोर्‍याउने मुख्य जिम्मेवारी बोकेका छन् ।

ब्याट र बल दुवै विभागमा प्रभावशाली प्रदर्शन गर्ने खेलाडीहरूको फर्मले नै खेलको नतिजा निर्धारण गर्ने अपेक्षा गरिएको छ ।