राप्रपाका नेताहरूले शनिबार प्रधानमन्त्रीलाई भेट्दै

काठमाडौँ । राप्रपाका नेताहरूले शनिबार प्रधानमन्त्री सुशीला कार्कीसँग भेटवार्ता भएका छन् । अध्यक्ष राजेन्द्र लिङ्देनसहितका नेताहरूले साँझ ५ बजे बालुवाटारमा प्रधानमन्त्रीलाई भेट गर्ने तय भएको प्रवक्ता मोहन कुमार श्रेष्ठले जानकारी दिए । 

राप्रपाले परम्परागत शक्तिको प्रतिनिधि संस्था राजसंस्था, परिवर्तनकारी पुस्ताका प्रतिनिधि जेनजी र राजनीतिक दलबिच नवीन समझदारी हुनुपर्ने धारणा राख्दै आएको छ । 

हालै  बसेको राप्रपाको केन्द्रीय कार्यसम्पादन समितिको बैठकले मुलुकको समसामयिक परिस्थितिमा राप्रपाको धारणा अवगत गराउन प्रधानमन्त्रीसँग भेट गर्ने औपचारिक निर्णय समेत गरेको थियो ।

राप्रपाले मंसिर २३ गते काठमाडौँमा उपत्यकास्तरीय प्रदर्शन गर्ने निर्णय समेत गरेको छ। प्रदर्शनअघि सरकारसँग राप्रपाले सर्वपक्षीय भेलाको माग गर्दै प्रधानमन्त्रीसँग भेट गर्न लागेको बताइएको छ ।