तीन सातादेखि अमेरिकी दूतावासले के भित्रयाईरहेछ नेपालमा ? 'हेनुहोस पत्र'

काठमाडौं । जेनजी पुस्ताको आन्दोलनपछि नयाँ सरकार गठन भएसँगै नेपालस्थित अमेरिकी राजदूतावासले धमाधम नयाँ सामाग्रीहरु भित्राउन थालेको छ । विगत २९ दिन यता उसले परराष्ट्र मन्त्रालयमार्फत गृह मन्त्रालयबाट अनुमति लिएर अमेरिकाबाट सिधै सामाग्रीहरु भित्राईरहेको छ । 

गत असोज २६ देखि मंसिर १० सम्म उसले आफुले ल्याउन चाहेका सामाग्रीहरु कुटनीतिक थैलीका नाममा नेपाल भित्राउन लागेको हो । त्यसका लागि परराष्ट्रमार्फत नेपालस्थित अमेरिकी दूतावासले अनुमति लिएको छ । 

(हेनुहोस् परराष्टले अनुमति दिएर गृहलाई लेखेको पत्र)

त्यसआधारमा गत असोज २६ यता विमानस्थल प्रयोग गरेर भन्सार छुटमा सामाग्रीहरु भित्राईरहेको छन् । यसरी भित्राइएको सामाग्रीहरुको चेक जाँच, भन्सार लगायत केही पनि नेपालले गर्न पाइदैन ।  

काठमाडौंस्थित संयुक्त राज्य अमेरिकाको राजदूतावासले मिति १४ अक्टोबर देखि २६ नोभेम्बर २०२५ को बीचमा आउने तथा पठाउने कुटनीतिक थैली हरुको बारेमा सहजीकरण गरिदिन आग्रह गदैं गत ३ अक्टोबरमा परराष्ट मन्त्रालयलाई पत्र लेखेको थियो । सोही पत्रका आधारमा परारष्टले गृह मन्त्रालयलाई असोज २१ मा पत्र लेखिदिएको थियो । 

त्यसपछि असोज २६ देखि अमेरिकी दूतावासले सामानहरु नेपाल भित्राईरहेको छ । दुई दिन विराएर त्यस्ता सामाग्रीहरु विमानस्थल आईरहेको र ती सामाग्रीलाई सिधै अमेरिकी दूतावासले बुझेर लैजाने गरेको विमानस्थल स्रोतले जनाएको छ । अझै तीन साता उसले यस्ता सामाग्रीहरु ओसार्ने काम गर्ने बताइएको छ ।