पार्टी पुनर्गठनकाे मुद्दा उठाउँदा रवि लामिछानेविरूद्ध लागेकाे प्रचार गरियाे : तोसिमा कार्की

काठमाडौं । रास्वपाकी केन्द्रीय सदस्य डा. ताेसिमा कार्कीले पार्टी पुनर्गठनकाे कुरा उठाउँदा आफूमाथि प्रहार भएकाे गुनासो गरेकी छन्। पार्टी पुनर्गठनकाे कुरा उठाउँदा सभापति रवि लामिछानेकाे विकल्प खाेजियाे भनेर प्रचार गरिएकाे उनकाे भनाइ छ।

उनलेे भनेकी छन्, ‘पार्टीलाई थप सबल सुदृढ बनाउन खोजिएको प्रयासलाई सभापति रवि लामिछाने विरुद्धको षड्यन्त्र जस्तो बनाएर भाष्य बनाउनुहुने तपाईंहरूको निरन्तर प्रहारले पूरा पार्टीलाई नै कमजोर बनाउने काम नगर्नुहोला।’

पार्टीलाई समय सापेक्षिक रूपमा मध्यममार्गी मुलधारको मुख्य राजनैतिक शक्तिको रूपमा विकास गर्दै रास्वपाले वैकल्पिक शक्ति, नागरीक समाज र जेनजी सबैलाई समेट्नका लागि पार्टीमा सांगठनिक र वैचारिक पुनःगठन पुनरवलोकन आवश्यक रहेकाे बताइन्।