जलवायु संकट श्रमजीवी वर्गको साझा मुद्दा हो: प्रचण्ड

काठमाडौँ । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले जलवायु परिवर्तनका असरबारे गम्भीर चिन्ता व्यक्त गरेका छन । उनले उक्त संकटको समाधान श्रमजीवी जनताको एकतामार्फत मात्रै सम्भव हुने बताएका छन् । 

माओवादी केन्द्र वन, वातावरण तथा जलवायु विभागले आयोजना गरेको ‘वन, वातावरण तथा जलवायु र व्यवस्थापन अवधारणा पत्रमाथिको अन्तरक्रिया’ कार्यक्रममा पूर्वप्रधानमन्त्री समेत रहेका दाहालले जलवायु परिवर्तनको असरलाई पुँजीवादी विकास मोडलको असफलताको परिणामका रूपमा चित्रित गरे ।

अध्यक्ष दाहालले भने, “आजको विश्वमा जलवायु परिवर्तनका कारण मानव जातिको अस्तित्व नै संकटमा छ । यसको समाधान यदि सही ढंगले गर्न सकिएन भने यो संकट झन् गहिरो हुँदै जानेछ ।”