घोराही–थबाङ सहिदमार्गमा दुई ठाउँमा पहिरो, सडक अवरुद्ध

काठमाडौं । रोल्पामा दुई स्थानमा सडक अवरुद्ध भएको छ । पहिरोका कारण घोराही–थबाङ सहिदमार्ग अवरुद्ध भएको प्रहरीले जनाएको छ ।

आइतबार (भदौ ८) बिहान करिब ७ः२० बजे माडी गाउँपालिका–२, उपल्लो डेरास्थित सडकमा पहिरो खसेको हो । बाटोमाथिबाट सुक्खा पहिरो खस्दा सडक पूर्ण रूपमा अवरुद्ध भएको प्रहरीले जनाएको छ ।

रोल्पाकै त्रिवेणी गाउँपालिका–२, भागोबारीमा पनि घोराही–थबाङ सहिदमार्ग अवरुद्ध भएको छ । आइतबार बिहान करिब साढे ७ बजे उक्त स्थानमा पहिरो खस्दा बाटो पूर्ण रूपमा अवरुद्ध भएको प्रहरीले जनाएको छ ।