६२.०८ प्रतिशतले बढ्यो वाणिज्य बैंकहरुको गैरबैंकिङ सम्पत्ति

काठमाडौँ । वाणिज्य बैंकहरुको गैरबैंकिङ सम्पत्ति ६२.०८ प्रतिशतले बढेको छ । चालू आर्थिक वर्ष २०८१/८२ को वैशाख मसान्तसम्म वाणिज्य बैंकहरुको गैरबैंकिङ सम्पत्ति ६२.०८ प्रतिशतले बढेर ३८ अर्ब ४८ करोड रुपैयाँ पुगेको हो ।

अघिल्लो वर्षको सोही अवधिमा यस्तो सम्पत्ति २३ अर्ब ७४ करोड रुपैयाँ थियो ।नेपाल राष्ट्र बैंकका अनुसार सबैभन्दा धेरै गैरबैंकिङ सम्पत्ति ग्लोबल आइएमईमा रहेको छ । यस बैंकको ५ अर्ब ९५ करोड ८३ लाख बराबरको गैरबैंकिङ सम्पत्ति छ ।

त्यस्तै गैरबैंकिङ सम्पत्ति धेरै हुने बैंकको दोस्रो नम्बरमा हिमालयन रहेको छ । यस बैंकको ५ अर्ब १२ करोड गैरबैंकिङ सम्पत्ति छ । तेस्रो स्थानमा रहेको एनआईसी एसिया बैंकको गैरबैंकिङ सम्पत्ति ४ अर्ब ६० करोड रहेको छ ।

चालू आवको वैशाख मसान्तसम्म आइपुग्दा नबिल बैंकको गैरबैंकिङ सम्पत्ति ३ अर्ब ७९ करोड रहेको छ भने नेपाल इन्भेष्टमेन्ट मेगा बैंकको ३ अर्ब ११ करोड छ । यो अवधिमा कुमारी बैंकको २ अर्ब ५५ करोड हुँदा प्राइम कमर्सियल बैंकको २ अर्ब ३६ करोड गैरबैंकिङ सम्पत्ति रहेको छ ।

लक्ष्मी सनराइन, प्रभु, एनएमबि, सिटिजन्स र कृषि विकास बैंकको गैरबैंकिङ सम्पत्ति एक अर्ब माथि रहेको छ । माछापुच्छ्रेको ९ अर्ब माथि हुँदा एसबीआई र सानिमाको ८ अर्ब माथि गैरबैंकिङ सम्पत्ति रहेको छ ।

स्टान्डर्ड चार्टर्ड बैंकको गैरबैंकिङ सम्पत्ति शून्य रहेको छ । यसबाहेक गैरबैंकिङ सम्पत्तिमा सबैभन्दा कम नेपाल बैंकको रहेको छ । यस बैंकको २० करोड बराबरको गैरबैंकिङ सम्पत्ति रहेको राष्ट्र बैंकको तथ्यांक छ ।