रास्वपाले बोलायो केन्द्रीय समिति बैठक

काठमाडौँ । राष्ट्रिय स्वतन्त्र पार्टीको केन्द्रीय समितिको बैठक भोलि बस्ने भएको छ । 

तेस्रो स्थापना दिवसको उपलक्ष्यमा भोलि बिहान ७ बजे केन्द्रीय समितिको बैठक पार्टी कार्यालय वनस्थलीमा बस्ने प्रवक्ता मनिष झाले बताए ।

बैठक लगत्तै बिहान ९ बजे पार्टीले बृहत् भेला माइतीघरमा गर्ने उनले बताए ।

‘लुटतन्त्रको खारेजी र सुसंस्कृत राजनीतिको संवर्द्धनको लागि हामी सडक र सदनमा सँगै उत्रिन लागेका छौँ’, उनले बताए ।

भिजिट भिसा प्रकरणमा गृहमन्त्री रमेश लेखकको राजीनामा र छानबिन समितिको माग गर्दै सदन पनि निरन्तर अवरोध गर्दै आइरहेको छ ।