बालिका बलात्कार गरेको आरोपमा दुई जना पक्राउ

काठमाडौं। बालिका बलात्कार गरेको आरोपमा गुल्मी र तनहुँमा एक/एक जना पक्राउ परेका छन् । गुल्मीको रेसुङ्गा नगरपालिका-२ बाख्रेछेडामा शनिबार १४ वर्षीया बालिकालाई बलात्कार गरेको आरोपमा बाग्लुङको बडिगाड गाउँपालिका-९ खहरे बस्ने १९ वर्षीय हिरा कामी पक्राउ परेका छन् । 

हिराले ती बालिकालाई जबर्जस्ती करणी गरेको भन्ने उजुरीको आधारमा जिल्ला प्रहरी कार्यालय गुल्मीबाट खटिएको प्रहरीले उनलाई पक्राउ गरेको हो ।

यसैगरी, १८ वर्षीया बालिकालाई जबर्जस्ती करणी गरेको आरोपमा तनहुँको शुक्लागण्डकी नगरपालिका-१ अल्छिबिसौना बस्ने ७२ वर्षीय केशवराज पौडेललाई मंगलबार राति प्रहरीले पक्राउ गरेको छ । ​

केशवराजले ती बालिकालाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय बेलचौताराबाट खटिएको प्रहरीले उनलाई पक्राउ गरेको हो ।