पाकिस्तानमा भारतको सैन्य कारबाही दुर्भाग्यपूर्ण : चीन

एजेन्सी । भारतले पाकिस्तानमा गरेको आक्रमणप्रति चीनले पनि प्रतिक्रिया जनाएको छ ।चिनियाँ विदेश मन्त्रालयका प्रवक्ताले पाकिस्तानमाथि भारतले गरेको हवाई आक्रमणप्रति चिन्ता व्यक्त गर्दै दुर्भाग्यपूर्ण भनेका छन् ।

उनले भने, ‘भारतको सैन्य कारबाही दुर्भाग्यपूर्ण छ । हामी अहिलेको परिस्थितिबारे चिन्तित छौँ । भारत र पाकिस्तान दुवै एक अर्काका छिमेकी हुन् र चीनका पनि छिमेकी हुन् ।’  चीनले आतङ्कवादका सबै प्रकारको विरोध गर्ने  पनि जनाएको छ । ‘हामी दुवै पक्षलाई अपिल गर्छौँ। उनीहरूले शान्ति र स्थिरतालाई प्राथमिकता दिनुपर्छ, चिनियाँ विदेश मन्त्रालयले भनेको छ, ‘दुवैले संयम अपनाउनुपर्छ । यस्तो दुर्भाग्यपूर्ण कदम उठाउनु उचित होइन, जसले परिस्थितिलाई अझ जटिल बनाइदिन्छ ।’

यसअघि अमेरिकी राष्ट्रपति डोनाल्ड ट्रम्पले पनि पाकिस्तानमा भारतीय आक्रमणलाई लाजमर्दो भनेका थिए । उनले दुवै पक्षलाई शान्तिका लागि अपील पनि गरेका थिए ।