अमेरिकी ट्यारिफले आकाश खस्दैन: चीन

काठमाडौं । ट्यारिफलाई लिएर अमेरिका र चीनबीच ट्रेड वारको सम्भावना बढेको छ ।

ट्रम्प दोस्रोपटक अमेरिकी सरकारको नेतृत्वमा आएपछि अप्रिल २ मा चीन, भारतसहित संसारका धेरै देशहरूबाट अमेरिका भित्रिने सामानमा अतिरिक्त आयात शुल्क (ट्यारिफ) घोषणा गरिएको थियो । त्यसको बदलामा चीनले पनि अमेरिकाबाट आयात हुने वस्तुमा ३४ प्रतिशतसम्म ट्यारिफ लगाउने निर्णय गरेको थियो ।

अमेरिकी राष्ट्रपति डोनाल्ड ट्रम्पले सोमबार सामाजिक सञ्जाल ट्रुथ सोसलमा लेख्दै यदि चीनले अमेरिकामाथि लगाइएको ३४ प्रतिशत ट्यारिफ फिर्ता नलिए उमाथि बुधबारदेखि थप ५० प्रतिशत ट्यारिफ लागू गर्ने चेतावनी दिएका थिए ।

यस विषयमा चीनले जवाफ फर्काउँदै अमेरिकाको ब्ल्याकमेलिङ प्रवृत्तिविरुद्ध अन्तिमसम्म लडिरहने जनाएको छ ।