प्रचण्डसहित माओवादीका शीर्ष नेताहरू बुटवल जाँदै

रुपन्देही । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्ड भोलि बुटवल आउने भएका छन् । मगर राष्ट्रिय मुक्ति मोर्चा नेपालको छैटौँ राष्ट्रिय सम्मेलन उद्घाटन गर्न उनी आउन लागेका हुन् ।

मोर्चाका केन्द्रीय अध्यक्ष गणेश सलामी मगरले बुटवलमा हुने सम्मेलनको तयारी अन्तिम चरणमा पुगेको र माओवादी पार्टीका अध्यक्ष एवं पूर्वप्रधानमन्त्री पुष्पकमल दाहाल प्रचण्डले उद्घाटन गर्ने कार्यक्रम रहेको जान्छ ।

उनका अनुसार देशभरिबाट करिब १ हजार प्रतिनिधिहरूसहित बुटवल स्थित ट्राफिक चोकमा हुने सभामा करिब १५ हजार जनसहभागिता गराउने तयारी गरिएको छ ।