सभापति चयनका लागि तय भएको विषयगत समितिको निर्वाचन स्थगित

काठमाडौँ । सुदूरपश्चिम प्रदेश सभाले विषयगत समितिको सभापति चयनका लागि तय गरेको निर्वाचन प्रक्रिया स्थगित गरेको छ । प्रदेश सभा सचिवालयले १७ माघमा नामावली प्रकाशन, सभापति पदमा निर्वाचित गरियोस् भन्ने प्रस्ताव दर्ता र दाबी विरोधको कार्यक्रम तय गरेको थियो ।

१८ माघमा रिक्त रहेका समितिहरूमा सभापति पदको निर्वाचन गर्ने गरी तोकिएको निर्वाचन प्रक्रिया स्थगित भएको सचिवालयका सूचना अधिकारी युवराज जैशीले जानकारी दिए । अब सचिवालयले पुनः अर्को सूचना जारी गरेर निर्वाचनको मिति तय गर्ने उनले प्रशासनलाई बताए ।

उनका अनुसार हाल सार्वजनिक लेखा समिति, अर्थ विकास तथा प्राकृतिक श्रोत समिति र सामाजिक विकास समितिको सभापति रिक्त रहेका छन् ।