क्यानडा पठाउने भन्दै १२ लाख ठगेको आरोपमा एक जना पक्राउ

काठमाडौ । रोजगारका लागि क्यानडा पठाउने भन्दै १२ लाख रूपैयाँ ठगी गरेको आरोपमा प्रहरीले एक जनालाई पक्राउ गरेको छ। 

पक्राउ पर्नेमा काठमाडौं कागेश्वरी मनोहरा नगरपालिका-३ का ४२ वर्षीय नितेश पोखरेल रहेका छन् । उनले चार जना व्यक्तिबाट १२ लाख रूपैयाँ ठगी गरेको प्रहरीले जनाएको छ । 

पौडेलले बेरोजगार युवायुवतीहरूलाई आकर्षक तलबको प्रलोभनमा पारी क्यानडा लैजाने भन्दै लामो समयसम्म झुक्यानमा राखेका बताइएको छ। 

त्यसपछि सम्पर्वविहीन भएकोमा पीडितहरूले प्रहरीमा जाहेरी दिएका थिए । पीडितको जाहेरीका आधारमा उनलाई प्रहरीको काठमाडौं उपत्यका अपराध अनुसन्धान कार्यालयले मंगलबार पक्राउ गरेको हो ।

पक्राउ परेका पौडेललाई  थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको  अपराध अनुसन्धान कार्यालयका एसपी काजी कुमार आचार्यले जानकारी दिए ।