बीआरआईबारे झलनाथको टिप्पणी- नयाँ भिजन नहुनेहरूले ऋण लिनै हुँदैन भनिरहेका छन्

काठमाडौं । नेकपा एकीकृत समाजवादीका सम्मानित नेता झलनाथ खनालले देशको आवश्यकता बुझ्न नसक्नेहरूले बीआरआई ऋण लिनै हुँदैन भन्ने प्रचार गरेको टिप्पणी गरेका छन् ।

उनले सत्तारुढ दल नेपाली कांग्रेसलाई लक्षित गर्दै बीआरआई कार्यान्वयनको सम्भावनाबारे अन्तरक्रिया कार्यक्रममा बोल्दै नयाँ भिजन नहुनेहरूले बीआरआई अन्तर्गत अनुदान मात्रै लिनुपर्छ भनेको बताए ।

उनले भने, ‘लोन लिनै हुँदैन । अनुदानमात्रै लिनुपर्छ भन्ने अवधारणाहरू आफैंमा थोत्रा हुन् । यो चिन्तन गर्न नसक्ने भिजन नभएकाहरू, विषयवस्तुलाई बुझ्न नसक्नेहरूका मात्रै कुरा हो । त्यसैले हामीले देशको आवश्यकता अनुसारको परियोजना अगाडि बढाउनुपर्छ ।’

उनले राष्ट्रिय हितलाई केन्द्रमा राखेर बीआरआई कार्यान्वयन गर्दै जानुपर्ने बताए ।