ललितपुरसहित विभिन्न स्थानमा ५ जना मृत फेला

काठमाडौँ । पछिल्लो २४ घण्टामा ललितपुरसहित देशका विभिन्न स्थानमा ५ जना मृत अवस्थामा फेला परेको नेपाल प्रहरीले जानकारी दिएको छ । बाजुरा, बुढीगंगा नगरपालिका-८ देउलीसैनस्थित रामकाट्या खोलामा सोही नगरपालिका-९ थापाबाडा बस्ने ५३ वर्षीय दल बहादुर थापा शुक्रबार मृत अवस्थामा फेला परेका छन् ।

कैलाली, गौरीगंगा नगरपालिका-३ झिलस्थित पानी जमेको खाल्डोमा सोही नगरपालिका-३ वासुदेव बस्ने ६५ वर्षीय काले ढोली शुक्रबार मृत अवस्थामा फेला परेका छन् ।

धादिङ, बेनिघाट रोराङ गाउँपालिका-५ चरौदी बस्ने विक्रम ठकुरीको घरको पिँढीमा हाल नाम, थर, वतन नखुलेका अन्दाजी ६५ वर्षीय पुरुष शुक्रबार मृत अवस्थामा फेला परेका छन् ।

ललितपुर, बागमती गाउँपालिका-४ प्युटारस्थित बागमती खोलामा हाल नाम, थर, वतन नखुलेकी अन्दाजी ६५ वर्षीया महिला शुक्रबार मत अवस्थामा फेला परेकी छिन् । 

पाल्पा, तिनाउ गाउँपालिका-६ मस्यामस्थित ढाक्रिपार भिरमा हाल नाम, थर, वतन नखुलेका अन्दाजी ३५ वर्षीय पुरुष शुक्रबार मृत अवस्थामा फेला परेका छन् । 

यस सम्बन्धमा प्रहरीले आवश्यक अनुसन्धान गरिरहेको छ ।