काठमाडौँ : नेपाल प्रहरीका महानिरिक्षक सर्वेन्द्र खनालले दुई जना प्रहरीको गल्तीलाई सिंगो संगठनसँग मुछ्न नमिल्ने बताउनुभएको छ ।
६३ औँ प्रहरी दिवसको अवसरमा राजधानीमा आयोजित कार्यक्रममा बोल्दै खनालले एउटा प्रकरणलाई सम्पुर्ण प्रहरी संगठनलाई जोड्दा इमान्दार प्रहरीको समेत मनोबलमा समेत ठेस पुग्ने बताउनु भएको हो ।
उहाँले घुमाउरो ढङगबाट निर्मला हत्या प्रकरणलाई जोड्न खोजेको देखिन्थियो । निर्मलाको बलात्कारी तथा हत्यारा पत्ता लगाउन नसक्दा यतिबेला सम्पूर्ण प्रहरी संगठन तथा सरकारसमेत दबाबमा रहेको छ ।
_20231127105311.gif)
केही समयअघि सत्तारुढ दलकै विद्यार्थी संगठनका नेताहरुले गृहमन्त्री रामबहादुर थापा समक्ष आइजीपी खनाललाई बर्खास्त गर्न माग गर्दै ज्ञापन पत्र समेत बुझाएका थिए ।
‘संगठनको बर्दी लगाएकाप्रहरी अधिकृत नै अनुसन्धानका विज्ञ हुन्,’ खनालले भन्नुभयो, ‘अनुसन्धानको समयसीमा तोक्न सकिँदैन । अनुसन्धानको लागि धैर्यता पनि प्रदर्शन गर्नुपर्छ ।’
उनले अघिल्लो वर्ष ९० प्रतिशत अपराधीहरु कानूनी दायरामा आएको तथ्य पनि प्रस्तुत गर्नुभयो ।
उच्च हिमाली गाउँमा भाँडाका घरमा अक्सिजनसमेत अपुग भएको ठाउँमा प्रहरी दत्तचित भएर राष्ट्र सेवामा खटिरहेको भन्दै प्रहरीमाथि आशंका नगर्न खनालले आग्रह गर्नुभयो । ‘विकासको महत्वपूर्ण साधन प्रहरी संगठन हृदयदेखि तयार छ,’ उहाँको भनाई थियो ।
खनालले प्रहरी यतिबेला अपराध गरेर सहज उम्कने तथ्यसँग हामी लडिरहेको जिकिर गर्दै भोलिका दिनमा आउने सुरक्षा चुनौतिसँग जुध्न सक्षम प्रहरी निर्माण गरिनुपर्नेमा जोड दिनुभयो ।
प्रतिक्रिया दिनुहोस