संसद् भवन निर्माण गति सुस्त भएकोप्रति सभामुखको असन्तुष्टि

काठमाडौँ । संसद् भवनको निर्माण गति सुस्त भएकोप्रति सभामुख देवराज घिमिरेले असन्तुष्टि जनाएका छन् । बुधबार साँझ पाँचौंपटक निर्माणाधीन भवनको आकस्मिक निरीक्षणमा पुग्दा कोही कामदार नभेटिएको सचिवालयले जनाएको छ ।

यसअघि ३ सिफ्टमा काम गर्ने भनिए पनि डेढ वर्षसम्म एक सिफ्टमा मात्र कामदार परिचालन भएको पाइएको बताइएको छ । सम्बन्धित निकायले ८२ प्रतिशत काम सकिएको भनेपनि संरचना हेर्दा त्यो पुष्टि हुन नसकेको भन्दै सभामुखले चासो राखेको सचिवालयले जनाएको छ ।

भवनको निर्माणमा भइरहेको ढिलाइबारे छलफलका लागि सभामुखले उपप्रधान एवं सहरी विकास मन्त्री प्रकाशमान सिंह, सचिव, भवनका महानिर्देशक र संसद् भवन निर्माण आयोजना प्रमुखसहितका अधिकारीलाई बोलाएका छन् ।