काठमाडौं । यस वर्षको मनसुन सरदर मितिभन्दा तीन दिन अगाडि नै नेपाल भित्रिएको छ । जल तथा मौसम विज्ञान विभागको मौसम पूर्वानुमान महाशाखाले आजबाट मनसुन नेपाल भित्रिएको जानकारी दिएको छ । अहिले कोशी प्रदेशमा केन्द्रित रहेको मनसुन नेपालका अन्य भूभागमा केही दिनभित्रै फैलिँदै विभागले जनाएको छ ।
नेपालमा दक्षिण हिन्द महासागर, भारतको केरला, बंगालको खाडी, सिक्किम हुँदै नेपालको ताप्लेजुङ–इलामतर्फबाट मनसुन नेपाल प्रवेश गर्छ । नेपालमा सरदर जुन १३ मा मनसुन भित्रिने र अक्टुबर २ तारिखमा बाहिरिने गर्दछ । यस्तै, यो वर्ष सरदरभन्दा बढी वर्षा र गर्मी बढ्ने सम्भावना ३५ देखि ५५ प्रतिशतसम्म रहेका जल तथा मौसम विज्ञान विभागका जनाएको छ ।
विभागका अनुसार सुदूरपश्चिम प्रदेशको उत्तरपश्चिम भूभाग, बागमतीको दक्षिण पूर्वी भूभाग, मधेश प्रदेशको मध्य भूभाग र कोशी प्रदेशको मध्य तथा मध्यपश्चिम भूभागमा सरदर वर्षा हुने सम्भावना ३५ देखि ४५ प्रतिशत छ । बढी वर्षा हुँदा बाढी पहिरोको जोखिम पनि बढी हुने भएकाले पूर्व सतर्कता अपनाउन जल तथा मौसम विज्ञान विभागले अनुरोध गरेको छ ।
प्रतिक्रिया दिनुहोस
सफल खबर संवाददाता
सोमबार, २८ जेठ २०८१, १४ : ५४
लेखकबाट थप
सम्बन्धित समाचारहरु
५ प्रदेशमा फैलियो मनसुन, कर्णाली र सुदूरपश्चिम पुग्दै
आइतबारसम्म देशभर मनसुन फैलिने
एघार दिनपछि मनसुन भित्रिने पूर्वानुमान
नेपालको पूर्वी क्षेत्रबाट आागमी १० दिनमा मनसुन भित्रिने
भारतको केरल आइपुग्यो मनसुन, नेपालमा सात दिनभित्र मनसुनको प्रभाव देखिने
मनसुन अवधिमा ९२ जनाको मृत्यु, ३० बेपत्ता