मधेस प्रदेशका मुख्यमन्त्रीले पाए विश्वासको मत

काठमाडौँ । मधेस प्रदेशका मुख्यमन्त्री सरोज कुमार यादवले विश्वासको मत पाएका छन् । उनले पेश गरेको विश्वासको मत सम्बन्धी प्रस्ताव सभामुखले मतविभाजनपछि निणयार्थ प्रस्तुत गर्दा ६१ सांसद मत पाएका हुन् ।

प्रदेशसभाको कुल सदस्य संख्याको बहुमत अर्थात ५३ जना सांसदको मत पाउनुपर्नेम मुख्यमन्त्रीले त्यो भन्दा बढी अर्थात ६१ सांसदको मत पाएका हुन् । तर, प्रदेशससभाको बैठक लोकतान्त्रिक प्रक्रियाअनुसार सञ्चालन गर्न सभामुख चुकेको भन्दै कांग्रेस, जनमत र लोसपाका सांसदले भने सदन बहिस्कार गरेका थिए ।

त्यसअघि ती दलका सांसद सदनमा तोडफोडमा समेत उत्रिएका थिए । राजविराजमा मन्त्रीमाथि भएको हमलाको संसदीय छानबिन समिति घोषणा र मुख्यमन्त्रीको राजिनामा माग्दै विपक्षी सांसदले लफडा निकालेका थिए ।