काठमाडौँ । नेकपा एकीकृत समाजवादीले राष्ट्रिय सभाको उपाध्यक्षमा नेकपा एमालेका उम्मेदवारलाई मत दिने भएको छ । सत्ता गठबन्धनभित्र राष्ट्रिय सभाको उपाध्यक्ष आफूले पाउनुपर्ने दाबी गर्दै आएको सो पार्टीले सो पद नपाएपछि एमाले उम्मेदवारलाई नै मत हाल्ने निर्णयमा पुगेको हो । नेकपा एकीकृत समाजवादीकी राष्ट्रिय सभा सदस्य जयन्तीदेवी राईले सत्ता गठबन्धनमै रहेकाले कांग्रेस उम्मेदवारलाई मत दिन उचित नहुने बताइन् ।
‘सत्ता गठबन्धनमै भएकाले शीर्ष नेतृत्वबाट एमाले उम्मेदवारलाई नै मत दिने सङ्केत आएको छ’, राईले रातोपाटीसँग भनिन्,‘ गठबन्धनबाहिर भएको भए बेग्लै हुन्थ्यो ।’
राष्ट्रिय सभाको उपाध्यक्ष पदमा सत्ता गठबन्धनबाट एमालेकी विमला घिमिरे र कांग्रेसबाट विष्णुदेवी पुडासैनीले प्रतिस्पर्धा गर्दैछन् । उपाध्यक्षका लागि आज बुधवार १ बजेपछि बस्ने राष्ट्रिय सभा बैठकमा मतदान हुँदैछ ।
५९ सदस्यीय राष्ट्रिय सभामा सत्ता गठबन्धन एमाले, माओवादी केन्द्र, एकीकृत समाजवादीको बहुमत भएकाले घिमिरेको जीत निश्चित जस्तै छ ।
प्रतिक्रिया दिनुहोस
सफल खबर संवाददाता
बुधबार, २८ चैत्र २०८०, १२ : ०१
लेखकबाट थप
सम्बन्धित समाचारहरु
एकीकृत समाजवादीले बोलायो स्थायी कमिटी बैठक
एकीकृत समाजवादीले सदस्यताको प्रमाणीकरण गर्दै
सरकारबाट बाहिरिने चेतावनीपछि नेकपा एसकी अधिकारी पनि मन्त्री नियुक्त
नेकपा एस चितवनको १०औं जिल्ला अधिवेशन वैशाख १९ र २० गते हुने
सुदूरपश्चिममा सोडारीलाई नै मुख्यमन्त्री बनाउने एकीकृत समाजवादीको निर्णय
गृहमन्त्रीले आफुलाई चोखो ठान्छन भने पछि हट्नुपर्छ : राजेन्द्र पाण्डे