सुनको मूल्य एक हजारको दरले घट्यो, तोलाको कति ?

काठमाडौं । नेपाली सुनचाँदी बजारमा सुनको मूल्य प्रतितोलामा १ हजार रुपैयाँले घटेको छ । आज छापावाल सुनको मूल्य प्रतितोला एक लाख२५ हजार तोकिएको छ । मंगलबार प्रतितोला एक लाख २६ हजारमा कारोबार भएको सुनको मूल्य आज प्रतितोला १ हजारले घटेर प्रतितोला १ लाख २५ हजारमा पुगेको हो । आइतबार सुनको मूल्यले नयाँ रेकर्ड राखेको थियो । सुनको मूल्य हालसम्मकै उच्च रहेर दुई दिनसम्म स्थिर थियो ।

नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य प्रतितोला एक लाख २४ हजार ४ सय कायम भएको छ । यसको मूल्य अघिल्लो दिन प्रतितोला एक लाख २५ हजार ४ सय थियो ।

त्यस्तै आज चाँदीको मूल्य मंगलबारको दिनको कारोबार मूल्यका तुलनामा प्रतितोला२० ले घटेर एक हजार चार सय ६५ तोकिएको महासङ्घले जनाएको छ । महासङ्घले अन्तराष्ट्रिय बजारमा हुने सुन तथा चाँदीको कारोबार मूल्यका तुलनामा यहाँ दैनिक कारोबार मूल्य तोक्दै आएको छ ।