काठमाडौं । सत्तारुढ गठबन्धनले सरकारको आगामी नीति तथा कार्यक्रमका प्राथमिकता छनोटका लागि १० सदस्यीय कार्यदल गठन गरेको छ । आइतबार सिंहदरबारस्थित अर्थ मन्त्रालयमा बसेको गठबन्धनका ५ दलबाट १० सदस्यीय संयन्त्र गठन गर्ने निर्णय गरेको नेकपा एमालेका उपमहासचिव विष्णु रिमालले जानकारी दिए ।
‘सरकारको आगामी नीति तथा कार्यक्रमको प्राथमिकता निधारण गर्नका लागि संयन्त्र गठन गरेको हो । सबै दलबाट दुई÷दुई जना सदस्य रहनेगरी संयन्त्र बनाइएको छ’, उनले भने । एमालेबाट रिमालसहित विष्णुप्रसाद पौडेल, माओवादी केन्द्रबाट अर्थमन्त्री एवं उपमहासचिव वर्षमान पुन, अर्का उपमहासचिव जनार्दन शर्मा रहेका छन् । यस्तै राष्ट्रिय स्वतन्त्र पार्टीबाट उपसभापति स्वर्णिम वाग्ले र महामन्त्री डा. मुकुल ढकाल रहेका छन् ।
यसैगरी यस्तै जसपाबाट राजेन्द्र श्रेष्ठ र मनिष सुमन तथा एकीकृत समाजवादीबाट उपाध्यक्ष प्रमेश हमाल र महासचिव घनश्याम भुसाल रहेका छन् । फागुन २१ गते प्रधानमन्त्री प्रचण्डले कांग्रेससँगको सहकार्य भंग गरी एमालेसँग गठबन्धन गरेका थिए । यसअघि मन्त्रालय भागबण्डाका लागि बनाइएको चार सदस्यीय कार्यालयलाई नै विस्तार गरेर संयन्त्र बनाइएको छ ।
प्रतिक्रिया दिनुहोस
सफल खबर संवाददाता
आइतबार, २७ फागुन २०८०, १३ : २४
लेखकबाट थप
सम्बन्धित समाचारहरु
गठबन्धन कार्यदलको बैठक बालुवाटारमा
नयाँ सरकारप्रति जनतामा नयाँ आशाको सञ्चार भयो : झलनाथ खनाल
नयाँ गठबन्धनमा सामेल हुन लोसपा अध्यक्ष ठाकुरलाई प्रधानमन्त्रीको आग्रह
मन्त्रालय भागवण्डा गर्न ‘नयाँ’ गठबन्धनको बैठक आज
नयाँ गठबन्धनका शीर्ष नेताहरूको बैठक बस्दै
एमाले सचिवालय बैठक सकियो, बैठकको निष्कर्ष बोकेर ओली वालुवाटार जाँदै