एजेन्सी । किसानको मागको समर्थनमा संयुक्त किसान मोर्चालगायत धेरै किसान संगठनले आज अर्थात् शुक्रबार भारत बन्दको घोषणा गरेका छन्।
संयुक्त किसान मोर्चाले गरेको ग्रामीण भारत बन्दको आह्वानअन्तर्गत उक्त बन्द घोषणा गरिएको हो।
बीबीसी हिन्दीका अनुसार संयुक्त किसान मोर्चाले किसानको मागलाई समर्थन गर्ने सबै संगठनलाई भारत बन्द गर्न अपिल गरेको छ। त्यसमा देशभरका केही श्रमिक संगठनको पनि सहभागिता रहनेछ।
यस बन्दमा सहभागी हुन दिल्लीतर्फ लागेका पञ्जाबका केही किसानहरूलाई हरियाणामा अम्बाला नजिकै रोकियो। उनीहरुलाई रोक्न सुरक्षाकर्मीले अश्रुग्यास प्रहार गरेका थिए।
भारत बन्दलाई मध्यनजर गर्दै राजधानी दिल्लीलगायत धेरै राज्यमा व्यापक सुरक्षा व्यवस्था गरिएको छ। दिल्ली पुलिसका अनुसार प्रदर्शनकारीलाई दिल्ली प्रवेश गर्नबाट रोक्नको लागि पूर्ण व्यवस्था गरिएको छ।
किसानको अर्को संगठन संयुक्त किसान मोर्चा (गैरराजनीतिक) ले पनि भारत बन्दमा सहभागी हुन जनतालाई अपिल गरेको छ।
प्रतिक्रिया दिनुहोस
एजेन्सी
शुक्रबार, ०४ फागुन २०८०, ०९ : ५६
लेखकबाट थप
सम्बन्धित समाचारहरु
फतुवा विजयपुरमा शिक्षकको आन्दोलन स्थगित
सरकारले प्रतिपक्षको कुरा नसुन्ने हो भने संसद अवरुद्ध हुन्छ : सांसद श्रेष्ठ
भारतीय किसानद्वारा दिल्लीमा पुनः आन्दोलन सुरु
न्यूरोडका व्यवसायीहरु पार्किङ निषेधका आन्दोलनमा उत्रिए
जनमत पार्टीद्वारा ७ बुँदे मागसहित कृषि विश्वविद्यालय अगाडि प्रदर्शन
त्रिवि सुधारको माग राख्दै स्ववियुको आन्दोलन