काठमाडौँ । नेकपा (एकीकृत समाजवादी)को आसन्न दोस्रो केन्द्रीय परिषद् बैठकमा सहभागी हुने नेताहरूले दुई बुँदे निर्देशन पालना गर्नुपर्ने भएको छ । महासचिव घनश्याम भुसालले शुक्रवार सूचना जारी गर्दै यही माघ १४ र १५ गते हुने परिषद् बैठकमा सहभागी हुने नेताहरूका लागि पालना गर्नुपर्ने विषयका बारेमा दुई बुँदे सूचना जारी गरेका हुन् । महासचिव भुसालले जारी गरेको सूचनामा केन्द्रीय परिषद् बैठकमा सहभागी हुन आउने सबै नेताहरूले पार्टी सदस्यता अनिवार्य नवीकरण गरेको हुनुपर्ने भनिएको छ । त्यस्तै परिषद् बैठकमा सहभागिताका लागि केन्द्रीय निकाय, प्रदेश कमिटी, जिल्ला कमिटी, लगायतका कमिटीमा रहेका नेताहरूले समयमै आफ्नो कार्यक्षेत्रका केन्द्रीय परिषद् सदस्यहरूलाई बैठकबारे जानकारी गराउनुपर्नेछ ।
परिषद् बैठकमा विधान संशोधन मस्यौदाबारे छलफल हुनेछ । त्यसका लागि सो पार्टीले तयार पारेको विधान संशोधन मस्यौदामाथि सुझाव संकलन गर्न जिल्ला तहमा पठाएको छ । जिल्ला तहका कार्यकर्ताको सुझाव समेत समेटेर एकीकृत मस्यौदा परिषदमा पेस गरिनेछ । केन्द्रीय परिषद् बैठकले पारित गरेको विधान मस्यौदा आगामी जेठमा हुने राष्ट्रिय महाधिवेशनले अनुमोदन गर्नेछ ।
परिषद् बैठकमा पार्टी केन्द्रीय कमिटी, आयोग, प्रदेश कमिटी, जिल्ला कमिटी अध्यक्षहरू, प्रदेशमा मनोनीत, भ्रातृ संगठनका पदाधिकारीसहित एक हजार २ सय बढी प्रतिनिधि सहभागी हुने प्रचार विभाग प्रमुख जगन्नाथ खतिवडाले जानकारी दिए । परिषद् बैठक काठमाडौँ उपत्यकामा आयोजना गरिए पनि बैठक स्थल तय भैनसकेको सो पार्टीका नेताहरूले बताएका छन् ।
प्रतिक्रिया दिनुहोस
सफल खबर संवाददाता
शुक्रबार, ०५ माघ २०८०, ११ : ४५
लेखकबाट थप
सम्बन्धित समाचारहरु
एकीकृत समाजवादीले बोलायो स्थायी कमिटी बैठक
एकीकृत समाजवादीले सदस्यताको प्रमाणीकरण गर्दै
सरकारबाट बाहिरिने चेतावनीपछि नेकपा एसकी अधिकारी पनि मन्त्री नियुक्त
नेकपा एस चितवनको १०औं जिल्ला अधिवेशन वैशाख १९ र २० गते हुने
सुदूरपश्चिममा सोडारीलाई नै मुख्यमन्त्री बनाउने एकीकृत समाजवादीको निर्णय
नेकपा एसले राष्ट्रिय सभा उपाध्यक्षमा एमाले उम्मेदवारलाई मत दिने