काठमाडौं । राष्ट्रिय स्वतन्त्र पार्टीले केन्द्रीय समितिको बैठक बोलाएको छ । ३ माघमा केन्द्रीय समितिको बैठक बोलाइएको महामन्त्री मुकुल ढकालले जानकारी दिए ।
आर्थिक र प्रशासनिक नियमावली, विभागीय नियमावली, विभागहरुको कार्यप्रगति विवरण लगायतका विषयमा छलफल हुने महामन्त्री ढकालले जानकारी गराए । बैठकमा विकास आयोजनामा पदयात्राका विषयमा पनि छलफल हुनेछ ।
रास्वपाले २१ विकास आयोजनामा पदयात्रा गर्ने तयारी गरेको छ । विकास निर्माणका कार्यमा सरकारलाई दबाब दिन पदयात्रा गर्न लागिएको रास्वापाले जनाएको छ ।
पदयात्रा गरिने आयोजना र त्यसका लागि खटिने केन्द्रीय नेताको चयन भने केन्द्रीय समितिको बैठकले निर्णय लिने भएको छ । ‘पदयात्रामा कहाँ को नेता जाने बारे छलफल पार्टीभित्र चलिरहेको छ । त्यसको औपचारिकता केन्द्रीय समिति बैठकबाट गर्नेछौं,’ महामन्त्री ढकालले भने ।
रास्वपा विधान अनुसार हरेक ४५ दिनमा केन्द्रीय समिति बैठक बोलाउनुपर्ने प्रावधान छ ।
प्रतिक्रिया दिनुहोस
सफल खबर संवाददाता
आइतबार, २९ पुस २०८०, १९ : ४७
लेखकबाट थप
सम्बन्धित समाचारहरु
रास्वपाका उम्मेदवार लिम्बूद्वारा मतदान
रास्वपा संसदीय दलको बैठक बस्दै
रास्वपाका उम्मेदवार मिलन लिम्बुले १ बजेभित्र मनोनयन दर्ता गराउने
संसदमा गृहमन्त्रीलाई बोल्न नदिएर कांग्रेसले असंसदीय काम गर्यो : स्वर्णिम वाग्ले
रास्वपा संघीयताविरोधी पार्टी होइन : स्वर्णिम वाग्ले
इलाम-२ मा उम्मेदवारी घोषणा गर्दै रास्वपा