टिप्परको ठक्करबाट मोटरसाइकलमा सवार दुई जनाको मृत्यु

काठमाडौ । दाङमा टिप्परको ठक्करबाट दुई जनाको ज्यान गएको छ । गएराति घोराही उपमहानगरपालिका-१० धारबैरा चोकमा टिप्परले ठक्कर दिँदा मोटरसाइकलमा सवार दुई जनाको ज्यान गएको हो । 

जिल्ला प्रहरी कार्यालय दाङका अनुसार ज्यान गुमाउनेमा प्युठान झिम्रुक गाउँपालिका-४ बाङ्गे बस्ने १७ वर्षीय विशाल जीसी र नौबिहिनी गाउँपालिका-६ बस्ने अन्दाजी १८ वर्षीय सागर केसी रहेका छन् । 

दुर्घटनामा घाइते भई राप्ती स्वास्थ्य विज्ञान प्रतिष्ठान घोराही पुर्‍याइएका उनीहरूको उपचारको क्रममा मृत्यु भएको प्रहरीले जनाएको छ । 

तुलसीपुरबाट घोराहीतर्फ आउँदै गरेको रा १ क १३०७ नम्बरको टिप्परले विपरीत दिशातर्फ जाँदै गरेको रा २ प ५५८९ नम्बरको मोटरसाईकललाई ठक्कर दिएको थियो । 

टिप्पर चालकलाई प्रहरीले नियन्त्रणमा लिएको छ ।