काठमाडौं। राष्ट्रपति रामचन्द्र पौडेलले मधेशमा पनि सिंगो देशको जस्तै भाषिक र सांस्कृतिक विविधता रहेको बताएका छन् ।शुक्रवार मधेशी आयोगको वार्षिक प्रतिवेदन बुझ्दै राष्ट्रपति पौडेलले मधेशी समुदाय नेपालको तराई क्षेत्रमा युगौँदेखि बसोवास गर्दै आएको बताएका हुन् ।
उनले मधेशी समुदायको भाषा, संस्कृति, भेषभूषा, परम्परा, सभ्यता र संस्कार सिंगै देशको जस्तै विविधता रहेको प्रस्ट्याए । ‘नेपाल बहुभाषिक र बहुसांस्कृतिक मुलुक हो । मधेशमा पनि भाषा, संस्कृति, भेषभूषा, परम्परा, सभ्यता र संस्कारमा सिंगै देशको जस्तै विविधता छ ।’ उनले भने ।
राष्ट्रपति पौडेलले संस्कृति व्यक्ति र समुदायको पहिचान र अपनत्व कायम राख्ने महत्वपूर्ण माध्यम भएको बताए । उनले देशको सांस्कृतिक विविधता कायम राख्दै समानता एवं सह-अस्तित्वका आधारमा विभिन्न जातजाति समुदायको भाषा, लिपि, संस्कृति, साहित्य कला र सम्पदाको संरक्षण र विकास गर्ने राज्यको सामाजिक र सांस्कृतिक रुपान्तरण सम्बन्धी नीति रहेको बताएका छन् ।
प्रतिवेदन बुझाउँदै मधेशी आयोगका अध्यक्ष डा. विजयकुमार दत्तले आयोगले मधेश र मधेशीको परिभाषा तय गरेको बताउँदै मधेशी समुदायको जात र थरको पनि सूचीकरण गरेको बताए ।
प्रतिक्रिया दिनुहोस
सफल खबर संवाददाता
शुक्रबार, २६ असोज २०८०, १३ : २१
लेखकबाट थप
सम्बन्धित समाचारहरु
शिक्षकहको तलब मासिकरुपमा भुक्तानी गर्ने सरकारको घोषणा
रक्सौल-काठमाडौँ रेल आयोजनाको लगानी सुनिश्चित गरिने
नीति तथा कार्यक्रम: आउँदो आर्थिक वर्षलाई कृषि लगानी दशक घोषणा गरिने
नीति तथा कार्यक्रम : सहकारी नियमनका लागि छुट्टै नियामक निकाय बनाइने
'अघिल्लो वर्षको तुलनामा अर्थतन्त्रमा सुधार आयो': राष्ट्रपति पौडेल
सरकारको नीति तथा कार्यक्रम प्रस्तुत गर्न संसद् भवन पुगे राष्ट्रपति पौडेल