बेइजिङमा राजनीतिक भेटवार्ता सकेर चोङक्विङ पुगे प्रधानमन्त्री प्रचण्ड, आधुनिक कृषिको अवलोकन

काठमाडौं। चीन भ्रमणमा रहेका प्रधानमन्त्री पुष्पकमल दाहाल प्रचण्ड बेइजिङमा राजनीतिक भेटवार्ता सकेर मंगलवार चोङक्विङ पुगेका छन् । त्यहाँ गएर उनले आधुनिक कृषिको अवलोकन गरेका छन् ।उनलाई चोङक्विङमा सो महानगरपालिकाका उपप्रमुख डाङ यानजेङ र चाङ गउजीले चोङक्विङ विमानस्थलमा स्वागत गरेका थिए ।

चोङक्विङ एकेडेमी अफ एग्रिकल्चरल साइन्सेन्समा पुगी प्रधानमन्त्री प्रचण्डले त्यहाँका वैज्ञानिक एवम् आधुनिक कृषि प्रणालीबारे अध्ययन अवलोकन गरेका छन् । उनका साथमा परराष्ट्रमन्त्री एनपी साउदसहित भ्रमणदलका अन्य सदस्य पनि छन् ।

चोङक्विङमा प्रधानमन्त्री प्रचण्डले र चिनियाँ कम्युनिस्ट पार्टीका केन्द्रीय राजनीतिक विभागका सदस्य र नगरपालिकाका समितिका सचिव युन ज्याजुनसँग भेटवार्ता गरेका छन् ।