नेपाली क्रिकेट टिमलाई राष्ट्रपति पौडेलले दिए जितको शुभकामना

काठमाडौं। आजबाट सुरू हुन लागेको एसिया कप-२०२३ मा नेपालले आफ्नो पहिलो खेलमा आज क्रिकेटको महारथी राष्ट्र पाकिस्तानसँग खेल्दैछ । खेल दिउँसो ३ बजे सुरु हुनेछ ।

क्रिकेटको महारथी राष्ट्र पाकिस्तानसँग खेल्न लागेको नेपाली क्रिकेट टिमलाई राष्ट्रपति रामचन्द्र पौडेलले शुभकामना दिएका छन् ।

राष्ट्रपति पौडेलले आज एक टवी्ट गर्दै नेपाली टिमलाई जितको शुभकामना दिएका हुन् । पौडेलले गरेको ट्वीटमा भनिएको छ ‘नेपाली राष्ट्रिय क्रिकेट टिमले एसिया कप २०२३ को यात्रा आरम्भ गर्दै पाकिस्तानसँग पहिलो खेलमा सहभागी हुन लागेकोमा सम्माननीय राष्ट्रपति रामचन्द्र पौडेलज्यूले नेपाली टिमलाई सफलताको शुभकामना दिनुभएको छ ’।

नेपालले प्रतियोगिताअन्तर्गत आफ्नो दोस्रो खेलमा भदौ १८ गते क्रिकेटको अर्को महाशक्ति राष्ट्र भारतसँग प्रतिस्पर्धा गर्दैछ ।