काठमाडौं। प्रधानमन्त्री पुष्पकमल दाहाल 'प्रचण्ड'ले आफ्नो आसन्न चीन भ्रमणका क्रममा नेपाल–चीनबीच नयाँ नाका खोल्ने बारे छलफल हुन लागेको बताएका छन् ।मुगुको नाक्चे लाग्ना नाका खोल्न आफूले पहल गर्ने उनले बताए ।
मंगलवार प्रतिनिधिसभामा भएको प्रश्नोत्तरमा कांग्रेस सांसद ऐनबहादुर शाहीले सोधेको प्रश्नको जवाफ दिँदै प्रचण्डले नयाँ व्यापारिक नाका खोल्न विषयमा छलफल हुन लागेको जानकारी गराएका हुन् ।
‘मेरो आसन्न चीन भ्रमणको क्रममा चीन नेपालबीच नयाँ व्यापारिक नाका खोल्ने छलफल गर्ने कुरा निश्चित भएको छ’ प्रचण्डले भने, ‘त्यस सन्दर्भमा मुगुको नाक्चे लाग्ना नाका खोल्ने बारे मेरो कोशिश हुनेछ । त्यसको बारेमा म जानकार पनि छ् । त्यस बारेमा एउटा निष्कर्ष लिने कोशिश हुनेछ ।’
संयुक्त राष्ट्रसंघको कार्यक्रममा सहभागी भएर प्रचण्ड असोज ४ गते अमेरिकाबाट चीन जाने कार्यक्रम तय भएको छ ।कृषि क्षेत्रमा रुपान्तरणकारी योजनामा चीनको सहयोगका लागि पहल गर्ने प्रचण्डले बताए ।
प्रतिक्रिया दिनुहोस
सफल खबर संवाददाता
मंगलबार, १२ भदौ २०८०, ११ : ४६
लेखकबाट थप