करेन्ट लाग्दा ८४ वर्षीया वृद्धाको मृत्यु

काठमाडौ । तेह्रथुममा करेन्ट लागेर एक वृद्धाको मृत्यु भएको छ। 

शनिबार बिहान म्याङलुङ नगरपालिका–३ नागदहमा करेन्ट लाग्दा स्थानीय ८४ वर्षीया बाटुलीदेवी विश्वकर्माको मृत्यु भएको जिल्ला प्रहरी कार्यालय तेह्रथुमले जनाएको छ।

जिल्ला प्रहरी कार्यालय तेह्रथुमका प्रहरी नायब उपरीक्षक राजन चापागाईंका अनुसार बिहान उठेर घरको मूलढोका खोल्ने क्रममा वृद्धालाई करेन्ट लागेको थियो।

करेन्ट लाग्दा उनको घटनास्थलमै मृत्यु भएको प्रहरीले जनाएको छ।